Marits litt av kvart

Nytt år og nye muligheter.

2012-01-24T19:08:00.000+01:00

Eit seint men godt nytt år.

Det har kanskje vore ein litt treig start på det nye året men endeleg er eg i gang med blogginga for 2012.
Eg har strikka.
Eg har lese opptil fleire bøker.
Eg har til og med kjøpt meg ski og vore på ski for fyrste gang på mange år.

Årets fyrste garnpakke frå strikkevenninne på Norsk strikkeforum er og komen i hus.

På ski .....


Skjerfet/halsen og sokkane er reist til snøfylte St.Anton .

Synes eigentleg det har vore ein god start på det nye året. Ser fram til mange gode hendingar og opplevingar i 2012.

Tida går og går

2011-10-22T11:42:00.002+02:00

Ut i frå bloggen skulle ein tru alt var stille og ingenting skjedde men det stemmer ikkje.
Eg har både strikka,gått på jobb, vore på tur og mykje anna.Denne hausten har vore ei god tid.

Ein rosa draum?

Italiensk ullkåpe.

Om ikkje strikkepinnane har vore raudglødande har eg brukt dei . Sina har no fått seg ein ny kjole men så mykje meir er det ikkje blitt.Sjølv har eg invistert i ei ny kåpe som eg berre må visa fram .Italiensk ullkåpe som skal vare i mange år.

Mykje regn og innimellom sol kan gje flotte regnbogar. Her er ein liten ein ved ein liten bekk på vegen opp til Lauvåsen.

Noko av dei kjekke hendingane dette året er den månadlege pakken frå hemmeleg venn og den kom denne månaden og. Knappane vert nok tatt godt i mot om dei kjem på eit plagg til ei av prinsessene eller kanskje nokre dokkeklede. Garnet vert nok til sokkar. Har fått ordre " Mamma eg frys på beina" så sokkar vert vel det neste etter spidermanvottar og hue. Sokkane kjem Øystein,berre ver tålmodig.

Leselyst og hemmeleg venn.

2011-09-22T18:19:00.002+02:00

Liv Gade

Visdomsord

I går var eg på ei fantastisk inspirerande hending på Spinneriet. Bok inspirator Liv Gade var og tilrådde gode bøker for trivelege lesestunder. Dei som ikkje var der gjekk verkeleg glipp av noko. Det var ei stund med humor og latter så eg trur alle gjekk lukkeleg heim med kvar si leseliste. i handa. Det vert nok kjøpt nokre fleire bøker i løpet av hausten.

I posten er det og kome pakke frå hemmeleg venn. Flott sokkegarn og sjokolade. Sjokoladen fekk min kjære men garnet er berre mitt.

EIN SOMMAR ER OVER...

2011-09-11T21:07:00.001+02:00

En sommer er over.............

Ja ein sommar er over men hausten er ikkje å forakta den heller.
Ferie har det vore så som så med denne sommaren.
Fyrste helga vart det ein koseleg tur til Kristiansand med prinsen og den eine prinsessa og mammaen.

Mari med Sina Marie og Tobias Emil

To av mormor sine beste venner.

Det var Dyreparken som stod på timeplanen. Der hadde vi ein flott dag.

Onkel Sigurd 90 år.

Resten av ferien vart litt opp og ned. Min kjære onkel døyde etter å ha vore lenge sjuk. Eg er berre så glad vi fekk feira 90 årsdagen hans.

Resten av sommaren vart det tid til både nokre dagar på hytta og nokre dagar i Bergen. Den beste veka var den eg hadde ilag med min kjære på hytta. Det vart med den eine ferie veka i lag. Då vart det både Førde tur og sjølvsagt tur til Fjærland.

Strikke pinnane har vore med i heile sommar men det vart ikkje strikka så mykje då hovudet var nok litt opptatt av andre ting men no er det fullfart med strikking av julegåver. Det er så mangt ein har lyst til strikka men eg kan ikkje rekka alt men noko skal det bli.

Hausten har eg alltid vore glad, fargane, litt matauk og litt ein ny start.
Sopp smakar alltid godt og med litt nye arbeidsoppgåver og medlemskap på treningsenter trur ikkje det vert ein keisam haust.
Kantarellar er komen i frysen og det same er tyttebær.

Noko av det eg har strikka skal snart ut på langferd til Tanzania med ei som skal i praksis der. Voner det kan koma til nytte. Eit lite teppe,nokre sokkar og huer.

Då er det berre å kryssa fingrane for ein fin haust og kanskje litt betre vær-

Flott helg.

2011-06-26T20:34:00.002+02:00

Politikarane var med i jordbærkakekonkuranse.

Vamp i storslag.

Då vert dei ei lita oppsumering med litt av kvart. Dette har vore ei god helg. Tenk at sola kom nett når det skulle vera jordbærfestival på hotellet med Vamp konsert om kvelden. Heile 800 hadde kjøpt billett til konserten og den var vel verdt å vera med på.

Laurdag var det og opning av sommarutstillinga i Spinneriet. Det er to flotte kunstnarar som stiller ut bilete i år. Det er Stian Heimlund Skjæveland og Solveig Nessa og hadde eg hatt ei ekstra tjukk lommebok veit no eg kva eg ville kjøpt med meg heim. I tillegg var det og ein strikke performance med kunstnaren Liv Reidun Brakstad som bur på Randøy her i kommunen ,men som er vel betre kjent utanfor landets grenser enn her heime på berget.

Stian Heimlund Skjæveland


Solveig Nessa

Om nokon er på tur til Ryfylke så er det andre stader enn Lysefjorden og Preikestolen som det er vel verdt å vitja. Hjelmeland har mykje å by på i så måte.

Flotte gangvegar i tre.

Jørmeland.

Venter på far.

Vatn er alltid fasinerande.

Nydelege fargar synes eg.

Folk og fe, alle med.

Ein liten pust i bakken.

Søndag var det framleis sol og då var det godt å koma seg ut på tur. I dag gjekk vi til Jørmeland. Det er ein flott tur for litt treige folk som min kjære og eg. Det er lett å gå og lagt flott til rette med bruer og gode "gangvegar" i tre. Det å kunna gå i slik flott natur er sælebot for både kropp og sjel.

Vel heime vart deit sjeldan syn å sjå i hagen men kjekt var det. Det skal ikkje mange minutters arbeid til for at det skal sjå litt betre ut rundt oss.

Fredag var det og pakka i postkassen. Det var frå hemmeleg venn på Norsk strikkeforum. Alltid kjekt med pakke i posten.

Tur

2011-06-14T18:52:00.000+02:00

Helgaland

Kløv

Oppmuntrande med slike skilt undervegs.

Det blir vel eigentleg litt for sjeldan at eg tek ut på lengre turar men frå torsdag til fredag var vi på tur med dei eldste ungane i barnehagen. Vi gjekk til Trodlatysdal som er ein veglaus gard i Hjelmeland kommune. På vegen paserte vi fleire veglause nedlagte småbruk.Det er ein tur som eg helit sikkert skal gjera om igjen. Var imponert over ungane som skritta i veg med godt mot.

Kjolen/tunikaen passa!

2011-06-05T20:36:00.000+02:00

Farmor si prinsesse.

Er så fornøyd med denne tunikaen/kjolen og det er Malene og. Det er så kjekt når gåver blir tatt godt imot .

Hello Kitty nok ein gong.

2011-05-31T22:01:00.000+02:00

Kva som gjer denne figuren så populær er ikkje godt å seia men den slår i allefall an hos småjentene. Så her er Malene si fødselsdagsgåve frå farmor. No er den vaska,dampa og klar til å pakkas inn. Den er strikka i lerke frå dale som vel er favorittgarnet mitt for tida.

Ombruk/gjenbruk

2011-05-25T21:15:00.000+02:00

Når tærne til Sina fann vegen ut av strømpebuksene på eigen hand er det greit å gjera nokre små endringar på dei. Den eine strømpebuksa hadde i tilegg eit lite hol. Fram med saksa og vekk med foten på strømpebuksene.Så var det berre å sy knappholssting rundt kanten for deretter å hekla ein liten kant/blonde. Holet fekk ein liten hekla blomst på seg.

Hemmeleg venn

2011-05-25T21:03:00.001+02:00

Her er pakken eg fekk frå hemmeleg venn på Norsk strikkeforum i mai. Ser fram til å prøva sokkegarnet. Sjokoladen forsvant fort ein plass den ikkje burde vera men den smakte godt.

Så langt i mai.

2011-05-15T14:24:00.003+02:00

Bevertning var det og.

I flokk og følge.

Denne månaden har eg og vore i Oslo. Eg er så heldig at eg får vera med når min kjære reiser på landsmøte i LLA (Landslaget for lokalaviser.) Då skummar eg fløten og er med på det som eg vil. I år vart det turen på Operataket.

Det er godt å ha nokre dagar til å nesten berre å tenkja på seg sjølv, handla litt, berre rusla og sjå. Det er helsebot i slike dagar.

Ein augneblinks innfall med tåleg bra resultat.

Litt stor men prinsessa var fornøyd.

Strikkepinnane vert ikkje lagt ned sjølv om veret og kalenderen seier at det tid for andre syslar som hagearbeid ol. Det er ikkje så mykje å skriva om men prinsessa likte både den nye rosa jakken/kåpa, Hello Kitty genseren og bamsen som mormor hadde strikka. Jakken er strikka i dobbelt Falk frå Dale. Den burde hatt ein knapp til så eg får sjå om eg kan gjera noko med det.

Då er det snart 17.mai og deg eg treng til rømmegraut med tilbehør er kjøpt inn. Det vert ikkje skikkeleg 17.mai utan heimelaga graut. Det store spørsmålet er berre om eg skal ha på meg bunad eller ikkje. har ikkje avgjort det enno så eg får venta å sjå. Trur faktisk at den passar i år.

Hemmelig venn

2011-04-26T21:23:00.000+02:00

Vel heime frå hytta låg der ein pakke og venta. Det var frå strikkevenninne på Norsk strikkeforum. kjempefint sokkegarn og litt godt til kaffien. Dette sette eg stor pris på.Det vert nok til sokker til kalde småføtter til vinteren.

Påska 2011

2011-04-26T21:17:00.000+02:00

påskebordet vårt.

Det er ikkje meir enn fire veker sidan vi var på hytta og då låg der ca.1m snø på terassen. Det var med stor spenning vi køyrte inn på onsdag 20.04 men då vi kom fram var der bart og fint. Som vanleg er det godt å koma på hytta. Der senker skuldrene seg og der er berre godt å vera. I år hadde eg kjøpt med meg ingrediensar slik at eg kunne prøva å laga min eigen sjokolade og det gjorde eg. Resultatet vart så som så men eg skal prøva omigjen. Påskedag hadde vi middagsgjester og på menyen stod lammelår og heimelaga bringebæris. Bringebæra plukka vi i fjor sommar. Det smakte godt.

90 år.

2011-04-20T08:47:00.000+02:00

Kvart år i april er det ei stor hending eg alltid ser fram til.Det er min kjære onkel Sigurd sin fødselsdag. Den har vi alltid feira og det er ikkje så mange åra sidan han gjorde det meste sjølv. I år fylte onkel 90 år og for meg var det ei stor glede å få hjelpa til på denne dagen. Det var selskap for tidlegare kollegaer og venner på føremiddagen og for familien om ettermiddagen. Alt gjekk som det skulle og eg trur alle hadde ein kjekk dag. Eg storkoste meg og håper eg får gjera det same om igjen om eit år sjølv om det då ikkje er ein rund dag.

April sokkar

2011-04-08T07:37:00.000+02:00

Då var Aprilsokkane ferdige. Mønsteret er Blackrose og eg har strikka dei i Regia på p.2.5. garnet var frå hemmelig venn i mars. Sokkane skal Mari få fordi ho er verdens beste jente.

Hello Kitty

2011-04-02T15:32:00.000+02:00

At det er Hello Kitty som er det store for mange småjenter er sikkert. Så då måtte mormor finna eit mønster som kunne brukast. Mønsteret fann eg på ravelry og garnet eg brukte er Falk frå Dale. No er det berre å venta og sjå om genseren passar.

Då eg kom heim etter to veker i Bergen låg der ein pakke og venta på meg. Det var frå hemmelig venn på Norsk strikkeforum.Det blå garnet er snart blitt eit par nye sokkar. Og kaffien og sjokoladen er nok alt vekke. Det er kjekt med slike overraskelsar i posten .

Nyhende.

2011-03-26T13:38:00.000+01:00

Etter svigerfar si gravferd tok vi oss ein tur på hytta i Vetlefjorden for å sjå korleis stoda var. Vi hadde ikkje vore der sidan i sommar. Det gjekk greit å koma seg inn til hytta men det var eit slit å koma seg opp til sjølve hytta. Det var over ein meter med snø på flat mark. Heldigvis hadde vi rikeleg med mat med oss og ekstra i frysaren. Godt med ved var der og. Tanken var å dra tilbake til Bergen seinast onsdag men den gong ei. Det eine raset etter det andre gjekk i Balestrand kommune så vi kom oss ikkje heim som vi tenkte men torsdag ettermiddag var vegen open og då drog vi avgarde så fort vi kunne.

circle socks

pulsvanter og hals.

Det er godt å ha spøt med seg når slikt hender., så spøt, 22 JamesBond filmar og nokre bøker gjorde susen. Her er resultatet.

Den siste veka.

2011-03-20T10:28:00.000+01:00

Ein kan vel kanskje sei at den siste veka har vore litt kontrastfylt med bursdagsfeiring torsdag og gravferd på fredag. Det er lenge sidan eg har feira bursdagen min på dagen i lag med familien men det gjorde eg i år.Kaker vart bakt og litt anna snop kjøpt inn og då vert det sjølvsagt selskap.Det var kjekt å vera i lag med mine denne dagen.

Mormor med prinsen og den eine prinsessa.


Åra går men det er no godt det og. Kvar alder har sin sjarm.

Blogg meg her og blogg meg der.

2011-03-13T19:46:00.000+01:00

Ein del nyårsfortsett er vanskeleg å følgja. Blogging er ein av dei, men her kjem eit nytt lite innlegg.

Stolt gutt.

Det viktigaste med heile genseren er auga.

Strikking er framleis det eg tyr til i ledige stunder og no er haigenseren til Tobias ferdig. Det var både ein kry gutt og ei stolt mormor når han prøvde den for fyrste gong og genseren satt som eit skot. Ellers har ein hals lagt alfor lenge å venta på knappar men no er den og ferdig.

Og tanken var å

2011-02-20T19:46:00.000+01:00

blogga oftare men det vert visst med tanken. Den siste veka har eg vore åleine heime og det er litt tomt og rart i huset så eg ser fram til min kjære kjem tilbake. Det er sjeldan eg har fleire strikkeprosjekt på gang men det har eg hatt no.. Eit par gode vottar vart borte i skogen så då måtte eg strikka meg eit par nye. Oppskrifta er Bella mittens og garnet er ein tråd finull frå rauma og ein tråd ullgarn frå Orknøyane.

Bella mittens

Garnet frå Orknøyane er ubehandla ull og stikk litt men det kjem seg kanskje etter vask/ bruk.

Sina sin kjole.

Ellers var det ei lita frøken som var med mormor i garnbutikken og såg ein kjole. Kven kan stå imot når prinsessa ser på mormor med store auge og seier" fin mormor,få sånn?." Eg kunne ikkje stå imot og no er kjolen ferdig. Voner berre prinsessa vert fornøyd.

Denne månaden har eg og vore med på hemmelig venn på Norsk strikkeforum og pakken er komen i hus. Det er kjekt med slike overraskelsar. Pakken er komen frå nord-Troms.

Då minkar det litt på påbegynte prosjekt men framleis er det ei veske og tunikaen til meg sjølv igjen. Har og mønster og garn til kjøkkengardiner men dei vert ikkje prioritert enno.

Februarsokkar.

2011-02-08T22:50:00.000+01:00

Det er lenge sidan eg har vore så sliten som i det siste. I går sovna eg i 8-tida om kvelden og sov til kl.11 i dag. Å sova så lenge i strekk har eg ikkje gjort på fleire år men eg trengte det vel. I dag har eg gjort ferdig februar sokkane mine Paraphernalia og dei skal eg bruka sjølv. Dei er strikka i arwetta og eg hadde ikkje meir enn ca ein halvmeter igjen av garnet.

Ikkje berre mat.

2011-01-31T21:11:00.000+01:00

Litt lenger er eg komen på tunikaen.

Det går på fram med tunikaen min. sakte men sikkert veks spøtet. I går tok vi tida og det gjekk ikkje nett fort. Det tok slik ca. 20.min. på to omgangar. No har eg om eg er heldig 120 omg. igjen på nedredelen. No er ikkje matematikk mitt felt men det skulle vel bli ca. 20t. Etter det er det berre erma igjen og dei skal ikkje ta så lang tid.

Dagane går.

2011-01-31T20:54:00.002+01:00

Middag søndag var salat med m.a spinat,tomat,fetaost og paprika.
Ellers var poteter erstatta med blomkål og broccoli mos noko som smakte
overraskande godt.Kjøttet er svinefiletar.

Idag var det scampi med omelett og tomater.
Velsmakande og godt etter kva min kjære seier.

Ja dagane går framover. Nokre dagar rasar avgarde og andre går irriterande sakte. Eg berre lukkeleg at dei er flinke på hjerteavdelingen på Rogaland sykehus. Min kjære har hatt eit hjerteinfarkt og blokka ut ei blodåre. Det har gått over all forventinig. Røyken er lagt på hylla men kosten blir det nok ikkje endra på. Eg er så heldig at eg har ein livsledsager som et det som blir sett på bordet og det er sjeldan ,svært sjeldan responsen på maten min ikkje er positiv. Må vel seia at kostholdet vårt er ganske så sunt. Ferdig mat og halvfabrikat er ikkje daglegdags hos oss.

Årets fyrste spøt.

2011-01-22T19:29:00.000+01:00

Då vart sokkane ferdige. Er ganske fornøyd så no skal dei ut på reise til St. Anton i Østerrike og stå på snøbrett og kanskje vera med på litt pianospeling. Så no Olav må du berre senda meg ei adresse så kjem dei i posten.

Hemmeleg venn

2011-01-21T13:39:00.000+01:00

Eg har fått pakke i posten. Tre nøster med garn og deilig sjokolade frå hemmeleg venn på Norsk strikkeforum.Fabelgarnet vert nok til sokkar tenkjer eg men alpaca garnet må eg tenkja meg godt om før eg bruker. Sjokoladen burde vel fått lagt i fred men den smakte nydeleg til ein god sterk kopp kaffi.

Oppdatering

2011-01-16T22:36:00.000+01:00

Tanken var å oppdatera oftare i det nye året men det ser ut som det vart med tanken. Det nye året held fram som det gamle men julegåvene er tatt i bruk, både strikkepinnar,rockering og strikk. Ellers er det berre å stikka fingeren i jorda og innrømma at same kor godt det smaker med grovt godt brød med godt pålegg så er ikkje kroppen min einig. Pålegget er greit men brødet nei,nei,nei. no er det vekk med brød,ris,pasta og poteter men eg lir inga naud. det er så mykje anna godt å eta. Det vert egg og bacon,salat,fisk,paprika osv. Godt er det iallefall.

Tur.

2011-01-02T18:37:00.000+01:00

Årets fyrste spasertur vart heller kort men det var godt med frisk luft sjølv om strikketøyet var meir fristande. At det er vinter er iallefall sikkert. Det var nesten litt skummelt å gå forbi all isen som var rast ned i vegen det kunne jo koma meir og ikkje vil eg hatt det i hovudet.

Sokkar 2011

2011-01-02T18:33:00.000+01:00

Tenket som i fjor at eg skulle strikka ei mengde med sokkar men utbytte i fjor var heller labert.

Voner på betre tider i år. Det fyrste paret er allereie igang så får vi sjå om eg greier eit par i månaden. Har sjekka garnlageret men sokkegarn var det ikkje mykje av så her må det nok handlast litt. Likar ikkje raggegarn ol. Føretrekk tynt einsfarga sokkegarn.

Nytt år og nye sjansar.

2011-01-02T18:28:00.001+01:00

Her er det fyrste som er på pinnane i det nye året. Tunikaen begynte eg på i fjor men målet er å gjera den ferdig i år,helst på denne sida av sommaren. Tanken er at den skal bli ca. slik.

Siste ferdige strikk.

2010-12-31T20:09:00.001+01:00

Det siste eg har gjort ferdig dette året er vottehanskar til Tobias. Det er eiga oppskrift og dei ser kanskje litt merkelege ut men eg trur dei skal passa. dei er strikka i Falk frå Dale.

Julegåver

2010-12-31T20:05:00.000+01:00

Her er det eg fekk til jul, så no kan ein berre undra seg på kva eg skal fylla tida mi med. Her er litt av kvart men merkeleg ingen bøker. For fyrste gong sto ikkje bøker øvst på ønskelista mi men bøker kom i hus på julaftan likevel. Det ser ut som eg skal bli i litt betre form dette året. Det var iallefall tanken. Ellers sette eg ekstra stor pris på tova vottar frå Mari. Det er så kjekt når ho finn fram strikkepinnane. Maleri frå ei av prinsessene er alt komen på veggen og det same er kalenderen.

2010

2010-12-31T19:58:00.001+01:00

Hundegenser i garn frå Malsen og Mor

Hals strikka i dale falk.

Ja no går eit nytt år mot slutten . Eit av dei få nyårsforsetta eg har er å vera litt flinkare med blogginga mi. Litt er det blitt strikka i desember og men sjølvsagt er det noko eg ikkje har fått tatt bilete av. Ein kollega har fått ein liten kvalp i hus og den fraus litt no i det kalde veret vi har hatt så då har eg for fyrste gong strikka noko til ein hund. På jobb hadde vi eige julebord og alle hadde med seg ei gåve. Ikkje uventa tok eg strikkepinnane fatt og strikka ein hals.

Nytt bekjentskap

2010-11-22T15:56:00.000+01:00

No har eg prøvd meg med heklenåla og det skjer ikkje ofte. Fann dette spanande materiale i ein garnbutikk i Stavanger. Det heiter trapilho og er resirkulering av overskuddstoffer. Stoffa kjem frå fabrikkar som syr klær. Veska er hekla med nål nr. 15 så det går ganske fort.Tenkjer veska vert julegåve til verdens beste "jente".

I morgon i morgon men ikkje i dag........

2010-11-21T20:17:00.000+01:00

50-års gåve.

ja det har eg sagt lenge men no er tida inne for å oppdatera bloggen. Litt har eg strikka i det siste men ikkje allverden. Ei kusine som fylte 50 i oktober har fått hals,pulsvantar,sjal og hue. Gåva vart vel motteken og er etter kva eg har forstått tatt i bruk.Alt er strikka i garn frå Hillesvåg.

Ein skal tidleg krøkast om ein god krok skal bli.

Ellers er det jo blitt vinter og vinterdekka er komen på. Mormor fekk god hjelp av Sinamoren og onkel Øystein. Det var stas å få hjelpa til.

Hue til kollega

Kalde øyrer er det og nokre av på denne tida og då kan det vera greit med ny hue særleg når ein arbeider i barnehage og er mykje ute. Her er ei hue som eg strikka for ein kollega.

Har ei kjær tante som eg syntes fortjente ei gåve. Ho er høyrer til dei som alltid strikkar for andre men denne gongen var det hennar tur. Strikka ein cape til henne. Har berre bildet av capen mens han ligg til blokking. Den er lik den eg strikka til svigermor tidlegare.

Luer til kjekke gutar.

Men som vi alle veit lir det mot jul og då er det greit med nokre småting å ha under juletreet. Har strikka tre stripey luer .To av dei er julegåver. dei er strikka i falk frå Dale.

Surfetid.

2010-10-03T13:51:00.000+02:00

Framleis ser det ut som det blir mest surfing og lesing av andre sine bloggar for tida,men det er ein kjekk syssel og om ikkje anna kan ei litt uinspirert sjel finna inspirasjon.I dag var det http://toffeliten.blogspot.com/ og http://myrteblogg.blogspot.com/ som begge har giveaways som fekk kommentarane.

Blogg,blogg ,blogg

2010-09-26T10:37:00.002+02:00

Har nok ikkje vore så flittig med å oppdatera bloggen min i det siste men eg er her framleis. Strikkepinnane er i dagleg bruk og no går det i ein 50-årspresang. Bilder vil koma etterkvart. Ellers er jo denne mac-en min litt av ein tidstjuv. Det er så lett å berre bli sittande å bla i blogg etter blogg. Eg er så imponert over alle flinke mennesker der ute i bloggverden. Det i allefall ikkje vanskeleg å bli inspirert.Nokre er så flinke at dei til og med lager til give aways og ein av dei er Strikketussa.Ta ein tur innom bloggen hennar og få ei koseleg stund.

Vinterklede.

2010-09-07T19:13:00.000+02:00

Stripebukse til Sina.

Då er Sina si strikkebukse ferdig. Trur den kan bli god å ha til vinteren i barnehagen. Skal strikka til Malene og Tobias og. Sina har godkjent fargane. Starta på bukse medan ho var med oss på hytta i sommar. Då klappa ho på garnet og sa "Fin mormor. Min?"Buksa er strikka i garn frå Hillesvåg.

Haust

2010-09-05T20:40:00.001+02:00

Piggsopp som i morgon skal i suppe til middag.

Lyngsheia i nydeleg haustver.

Hausten er for meg sopptid. Det å kunna gå ut i skog og mark og plukka med meg noko å ha grytene er berre stort. Fargane om hausten er og dei vakraste i løpet av året og ein slik start som vi har hatt på denne septembermånaden er berre fantastisk. Igår gjekk turen innom Norsk frukt og laksefest og deretter ein tur opp i Lyngsheia.Det siste var det beste med heile dagen. Det er kjekt med festivalar ol. men tykjer det ofte blir det same år etter år. I dag gjekk turen til Einars hvile, tanken var å plukka traktkantareller men kom heim med rikeleg med piggsopp. Den skal eg ha i ei suppe i morgon. Fann og ein steinsopp som vart tilbehør til middagen i dag. nam,nam.

Sommarstrikk.

2010-08-28T10:31:00.000+02:00

Litt trøtt men godjenta til mormor.

Her er Sinamor i den nye kjolen/tunikaen som vart ferdig i sommar. Kjolen er eit Sandnesmønster men er strikka i Falk frå Dale.

Ferie.

2010-08-12T21:28:00.000+02:00

Nærbilete av snøraset.Snøhola?

Snørester etter vnterens ras.

Feing må til og her lyt vi gjera det sjølv.

Hytta etter at nokre bjørker er sagd ned.

Ja no har vi hatt nesten to veker ferie på hytta i Vetlefjorden. Må se det er ein av dei beste feriane eg har hatt. Vi har putla og tutla rundt omkring gjort nett det vi ville i eige tempo. Bærplukking (5liter villbringebær),rydding,vasking,lesing,strikking og småturar. Ei lydbok på øra så går alt så greit. Tenk at snøen enno ligg ved Moldskreda etter ras i vinter. Det vert noko å visa barnebarna .

Prinsessa

2010-08-12T20:55:00.000+02:00

Her er farmor si prinsesse i kjolen som eg strikka til henne. Den passa akkurat og eg forstår godt kvifor ho ville at kjolen skulle vera gul.

Bryllup

2010-07-26T12:57:00.002+02:00

Mormor sine danseløver.

Eit hjarte frå kvar av gjestene med navnet deira på.

Stolte storebrør.

Er dei ikkje fine.

Lukkeleg?

Heile storfamilien utanfor Fana kyrkje

Ja tenk at vesle jenta mi har gifta seg. Må jo sei at det er litt underleg men samstundes kjekt. Vielsen var i Fana kyrkje og festen var i Nordnes bydelshus på Klosteret. Alt gjekk over all forventning. Må berre sei ein ekstra takk til dei kjekke jentene som hjelpte til og ikkje minst til viseverten Rune Nilsen. At Olav spelte var jo ekstra kjekt. Små og store koste seg alle sammen. Eg var ikkje minst imponert over Sina og Tobias som satt tilbords i fleire timar og danste og koste seg heile kvelden.

Gamle skattar

2010-07-18T13:57:00.001+02:00

I dag er skrinet oppbevaringsplass for ma. bunadsølv.

Det eine er tatt i bruk,det andre ikkje.

Ein av mine kjæraste skattar.

Det er ikkje berre ei gammal vogge eg er så heldig å ha arva men og m.a eit handarbeidsskrin og handdukar med monogram. Dette er ting eg verkeleg set pris på og som betyr mykje for meg.Tinga har vore tanta Marta sine og så er det eg som er så heldig å ha fått dei då vi har dei same initialane.

Kjole til farmor si prinsesse.

2010-07-17T14:11:00.000+02:00

Når Sina fekk ny strikkekjole måtte jo sjølvsagt Malene få det og. Og kjolen måtte vera gul!

Den er strikka i dale Svale og oppskrifta er frå hefte nr.225 Sommer feminin.

Den gamle vogga.

2010-07-17T14:05:00.000+02:00

I stova mi har eg ei gammal vogge. Den vart laga av oldefaren min for 131 år sidan. Den fyrste som låg i vogga var tanta Marta, far si tante. Ho vart født 02.07 1879. Sidan er det mange som har lagt i den i løpet av åra. Eldste son min Olav, var den fyrste av mine tre born som sov i den og han vart født 02.07.1979 altså på dagen 100 år etter den fyrste som brukte vogga. No har vogga fått nytt innhald. Etter at den i ein periode har passa på nokre av bøkene våre er den no fylt med garn. Eg synes garn er for fint til gøymast vekk i skuffer og skap og så er det så godt å kvila augene på og drøyma om kva fine plagg eg kan få ut av det. Det store spørsmålet er kor mykje av garnet eg klarar å strikka opp i løpet av året?

Det er nokre små som treng strikkebukser huer og vottar til vinteren og nokre store som treng nye sokkar så vi får sjå.

Sopp og firkløver.

2010-07-09T22:59:00.000+02:00

No har soppen byrja å lysa rundt omkring. I dag fann vi årets fyrste kantareller.

Synest heller ikkje det er så verst at når ein har leita i over femti år etter firkløver utan å ha lukkast,enno ikkje har gjeve opp. Lukka sto ikkje bi i dag heller.

Lunsj

2010-07-09T22:53:00.000+02:00

I går hadde eg fridag og var heime. Dagen vart ein god husmordag og dei har eg ikkje mange av. I stadenfor å setta meg i ein krok og venta på at husmorlysten skulle gå over vart det baka knekkebrød,vaska klede,skifta på sengene og moppa over golva. Eg vert mest heilt andpusten berre eg tenkjer på det. Som de vel skjønar er ikkje dette nett mine favorittsysler. Eg hadde meg og ein god lunsj. Sidan det er eit kilo og kanskje litt meir som har sneke seg på i det siste vart det lunsj utan brødmat. Fann ein boks med tunfisk i skapet og laga for fyrste gong tunfisksalat eller noko lignande. Godt var det i allefall.

Trafikksikring.

2010-07-06T21:13:00.002+02:00

Det er viktig at alle har belte på seg i bilen.Bamsen og.

Malene Elisa besøk.

2010-07-06T21:12:00.000+02:00

Denne helga kom Malene E. og mamma Tove på besøk til farmor. Kan tru dette var noko som eg gledde meg til. Vi var på stranda og bada og i Kongeparken. Vi storkoste oss alle tre.

Lyngsheia

2010-06-27T20:17:00.000+02:00

Ein fin søndagstur til Lyngsheia. Er det noko betre ein ei korg med mat,kaffi og sjølvsagt godt selskap.

Det å sitta med augene igjen og berre lytta til bekken som klukkar er rein terapi. Denne turen gjorde godt for både to og firbeinte.

Randøyrittet.

2010-06-20T16:47:00.001+02:00

I dag har det vore Randøyrittet.Eit familiesykkeløp på 15km.som går rundt øya Randøy som navnet seier. Eg har ikkje delteke men det har min kjære Dag Anton som denne våren har invistert i sykkel for å koma i betre form. Han klarte løpet på 1t.05min. og eg må sei eg vart svært positivt overraska. Det gjekk over all forventning.HURRA for min kjære.

Kva er dette?

2010-06-18T10:38:00.003+02:00

Det er alltid kjekt å følgja med på veret så her i huset har vi verstasjon. Må sei eg er overraska over kor presis den er.Min kjære er litt skuffa over at vi ikkje har hatt ein skikkeleg storm etter at verstasjonen kom i huset men eg trur nok den dagen kjem og.

Torer eg?

2010-06-18T10:20:00.001+02:00

Vi har en liten uteplass som vi ikkje har ofra verken tid eller penger på. Ingen av oss er ihuga hagemenneske og sjølv tek eg som oftast livet av alt som gror. Men denne sommren skal vi vera heime heilt til august og då hadde det vore kjekt med ein litt trivlegare uteplass. I går vart spaden kjøpt og testa. Jau eg veit framleis korleis eg skal bruka ein spade så det skal gå greit.Planen er å mala nokre hagemøblar,luka og rydda og prøva med litt plantar. Ein ny grill skal vi og ha. Tenkte å legga ut bileter av prosjektet så får vi sjå korleis det går.

Ut på tur aldri sur.......

2010-06-16T17:30:00.000+02:00

Eg prøver å koma meg ut på tur nokre gonger for veka. Då går eg stort sett same vegen med små endringar alt etter dagsform, vær og føreforhold. No når eg har fått turkamerat igjen er det enno lettare å koma seg ut. Conto er iallefall glad i gå på tur sjølv om han helst vil gå utan band og ikkje ser så nøgd ut på bilete.

Barnebarn strikk er kjekkast

2010-06-16T17:16:00.000+02:00

Å strikka til barnebarna er det som er kjekkast. Særleg når eg veit at det vert godt mottatt og mykje brukt. Sina har fått ny kjole med tights og sjølvsagt er den rosa. Tanken var å strikka ein Elias genser til Tobias men den gang ei. Garnet er kjøpt og genseren er påbegynt men såg at den ville aldri bli ferdig. Kjøpte ein ferdig modell og betalte mindre enn garnkostnadene. Det eg hadde strikka vart rekt opp og no har eg mykje godt garn til bukser,huer og vottar. Det klarar eg å strikka. Tobias vart svært nøgd med sin kjøpte genser.

Tobias og Sina med nye capser.

2010-06-10T13:13:00.000+02:00

Kiddie cadett fall i smak hos desse to.

Cape til svigermor.

2010-06-10T13:11:00.000+02:00

Når ein sit i rullestol kan det vera greit med noko å ha over skuldrene. Her er capen som eg strikka til svigermor. Den kan ho ha på seg utan å vera redd for at den skal detta av eller komma ned i hjula på rullestolen. Mønsteret er frå drops og garnet er igjen det fine kashmirgarnet som eg kjøpte på Oleanna.

Ny hue.

2010-05-28T12:12:00.000+02:00

Her er ei av mai huene i huealongen. Kiddie Cadet. Den er strikka i drops Paris på p.4.5. Syntes hua trengte litt pynt så det vart nokre hekla blomar på den. Tenkjer eg må strikka to til ei, grønn til Tobias men utan blomar og ei rosa til Malene. Denne er det Sina som skal få.

Travle tider

2010-05-27T09:09:00.002+02:00

Det har vore litt av kvart å henga fingrane i for tida. Mykje farting fram og tilbake til Bergen og mange hyggelege stunder saman med barnebarn og andre i familien. Litt strikking er det og blitt. Garnet eg kjøpte på Oleanna eit nydeleg kashmirgarn er blitt litt forskjellig ma. pulsvantar og sjal. Ellers har gullungane mine vore eingod del ilag med oss og det er alltid kjekt. Dei er flinke til å hjelpa mormor/farmor. Malene fekk ny sykkel til 3-årsdagen og det var stor stas.

2010-03-22T18:47:00.000+01:00

Litt strikka er det og blitt i mars. Det er nok huer det går i.Det vert berre bilete av ei av huene Little Warrior hat. Bilete av den andre som eg trudde eg hadde tatt er berre "borte vekk".

Nydeleg garn

2010-03-22T18:18:00.000+01:00

Var på Oleanna sitt fabrikkutsal i Arna og fann noko herleg kashmirgarn. Dei hadde berre to blå fargar og to grønn fargar men det paste meg fint. Til no har eg berre strikka Rona Wrist Cuffs i dei to blå fargane saman. Av det grønne tenkte eg å strikka meg eit florlett sjal.

Bilde som ikkje kom med

2010-03-22T18:07:00.000+01:00

Mormor sine gode hjelpere som ikkje kom med i forige innlegg.

Lenge sidan sist.

2010-03-01T11:11:00.000+01:00

Ei kort oppdatering. Eg har faktisk strikka i det siste også. Har bilete av to av huene for februar medan den tredje ligg på jobb og vart ikkje fotografert. Nok ei balaklavahue er og ferdig. Må og få skryta av mormor sine flinke kjøkkenhjelpere. Dei er ei god trøyst i litt tøffe tider.

Balaklava

2010-01-23T19:40:00.000+01:00

Dette var kjekke huer å strikka. No er Tobias si ferdig og ingen andre sakl stikka av med den. Hadde ingen modell for handa så bilete vert så som så.

Hua til Tobias som .......

2010-01-21T13:18:00.003+01:00

Fann eit kjekt mønster på ei balaklava hue som eg tenkte eg skulle strikka til Tobias men då eg ba min kjære om å prøva den vart kommentaren " Den tar eg". Så hua som skulle bli til ein 3 1/2 års gammal gut enda på hovudet til ein mann på vel dei 50. Slik kan det gå.

2010

2010-01-21T13:13:00.000+01:00

Litt treig start på det nye året. Men eg er komen i gang og planane og tankane om kva som skal strikkast er mange i det nye året. Som før blir det vel mest til mormor/farmor sine gullungar men det er dei verdt alle tre.
I år er eg og med på Månedens lue 2010 på norsk strikke forum og dei to fyrste huene er ferdige. Den eine forsvann før eg fekk tatt bilete men den andre er foreviga.

Her er pixielua som Sina moren fekk.

litt ekstra

2009-12-17T21:10:00.000+01:00

Då eg hadde litt alpakka garn til overs måtte eg berre strikka eit pulsvantar og. Mønsteret er Yummi Mummis. Dei er lette og kjekke å strikka så dei blir det nok fleire av.Dette blir nok og ei julegåve.

Julegåve

2009-12-13T14:04:00.001+01:00

Nok ei julegåve er ferdig. Skjerfet er strikka i drops alpakka og oppskrifta er og frå drops.

Trur Mari vil lika dette.

Julegåver 2

2009-12-04T18:37:00.000+01:00

Det går trått og treigt med strikkinga for tida men litt vert det no. Her er pulsvantane til ein musikerson. Voner dei vil varma godt i St.Anton i vinter.

Julegåver

2009-11-25T09:06:00.004+01:00

Sjølv om dette er julegåver legg eg det ut på bloggen. Det er ein OL-genser til Sina og sokkar til ein annan. Om eg får tid vert det ei strikka bukse til OL-genseren men det får tida vise.

Strikkebukse m.m.

2009-10-28T16:29:00.003+01:00

Då var strikkebukse,sokkar og vottar klar til å sendast i posten til Malene. Synest det er godt med strikkeplagg under yttertøyet no i den kalde årstida.

Malene genser

2009-10-14T19:42:00.004+02:00

Då var ein genser ferdig til Malene Elisa. Den er strikka i smart frå Sandnesgarn. Likte særleg godt fargane og trur dei vert fine til Malene.

oktobersokkar

2009-10-10T17:21:00.003+02:00

Merkeleg kor kjekt det skal vera å strikka sokkar. Dette er oktobersokkane på Norsk strikkeforum. Navnet er Basketcase Socks. Eg har strikka dei i admiral ombré eit gledeleg nytt garnbekjentskap for meg. Det vil nok bli fleire sokkar i det garnet. Likte særleg godt fargane.

Gåve

2009-10-10T17:17:00.004+02:00

Då er bursdagspresangen til mormor si prinsesse ferdig. Det vart ei kåpe strikka i Alfa frå Sandnesgarn. Er spent på om den passer.

I postkassen

2009-10-06T19:35:00.003+02:00

Dette var eg å henta på posten i går. Sokkegarn frå 123.knit. Gler meg til å strikka fleire sokkar. Må berre få unna litt anna fyrst.

Sokkar til Malene

2009-10-04T14:10:00.003+02:00

Malene trengte nye sokkar og her er dei ferdige. No skal dei berre sendast i posten.

Nytt "leketøy" og garngåve

2009-10-04T14:06:00.004+02:00

Då har eg kjøpt meg lamineringsmaskin. No skal alle lause mat og strikkeoppskrifter laminerast og settast i ringpermer. Kanskje dei får litt lenger vare tid?
Ei vennine har vore i Danmark og kom heim med garngåve til meg. Takk Wenche.

Sina genser.

2009-10-04T14:03:00.004+02:00

Då vart ein liten genser til Sinamoren ferdig. Det var eit kjekt lite arbeid og Sina var veldig fornøyd.
Storebroren skal få ny genser seinare.

Sokkar og atter sokkar.

2009-09-17T16:19:00.003+02:00

Min kjære ville så gjerne ha svarte,tynne sokkar og her er dei. Strikka i Viking Eddagarn.
Er ikkje akkurat sokkegarn men no har eg sendt ein ordre til 123.knit og ventar på sokkegarn i posten. Det er fleire som er intresert i tynne ullsokkar.

Sokkedilla

2009-09-16T14:33:00.004+02:00

Då har eg strikka det andre paret i månadens sokk på Norsk strikkeforum. Det var Zephyr socks. Dei vert nok lagt i julegåve korga mi.

September arbeid til no

2009-09-07T18:10:00.005+02:00

Det vert ikkje spøta lika mykje no som tidlegare men noko vert det. Den fyrste julegåva er ferdig. Korga skal eg ha til å legge andre julegåver oppi etter kvart som dei vert ferdige. Korga er strikka i Hifa trollgarn. Eit par sokkar vart strikka i helga og dei skal eg ha sjølv og er alt tatt i bruk.Mønsteret er Tidal Wave socks og er eit av september sokkane på Norsk strikkeforum og eg har valgt å strikka dei i Viking edda garn.

Ferdig!

2009-08-22T11:30:00.002+02:00

Då er moebiusen min ferdig. Trur nok eg vil strikka fleire slike. Vil prøva md litt forskjellig garn og størrelser.

Moebius

2009-08-21T13:45:00.004+02:00

Ja eg har meldt meg på moebiusalongen på Trådsnelle og er komen godt i gang. Dette var ein heilt ny teknikk for men den fristar alt til fleire prosjekt. Eg strikkar den i garnet Donegal silketweed frå nettbutikken Malsen og Mor. Om nokon ikkje har vitja den nettbutikken er den absolutt å anbefala.

Meir til dokka og litt anna

2009-08-21T13:41:00.005+02:00

Litt meir vart det strikka til dokka. Det hjelper på garnslankinga og det same gjer sokkar til Sinamoren. Har og strikka eit par sokkar til Tobias men gløymde å ta bilete av dei. Tobias valgte sjølv farge.

SOPP, SOPP,SOPP

2009-08-08T16:52:00.003+02:00

Trur dette må vera den beste tida på året. med sopp og bær i skogen. Må sei at det blir nok mest plukking av sopp. Her er noko av årets fangst. Steinsoppen skal tørkast og kantarellane skal frysast.

Slanking

2009-08-04T17:51:00.004+02:00

Det er ikkje berre garnlageret som skal slankast men og ein kropp som veg litt for mykje. Garnlageret er no komen ned i 10889g og min overvektige kropp er 78,5 kg. Målet er å koma under 5kg. i garnlageret og under 70 kg i kroppen. Garnlageret skal slankast fordi det opptar plass medan kroppen treng det av helsemessige årsaker. Der er berre å legga om på kosten og la strikke pinnane fly.Litt garn vert nok donert til barnehagen men mi eiga vekt er ikkje så lett å gje til andre. Får vel starta med minst 10.000skritt for dagen og kanskje litt annan trim.

Knappar

2009-08-03T20:57:00.003+02:00

Slik ser det ut når knappeskrinet kvelvar. Ser iallefall kor mange knappar eg har om ikkje anna. Det var berre å finna fram kost og feiebrett få knappane tilbake til "heimen" sin.

Sommarspøt.

2009-08-03T20:52:00.005+02:00

Litt vart det spøta i ferien og. Hadde ca.500g. med lyseblått lanett som eg gjerne ville bli kvitt.
Det var dokkeklede alt i hop (430g). Gått å bli kvitt noko garn som eg hadde ergra meg over alt for lenge. Dokkekleda blir putta i skuffa med ferdige ting og kvar dei tek vegen derifrå er ikkje godt å seia.

Bokbyen

2009-08-03T19:22:00.004+02:00

Noko som er obligatorisk kvar sommar er ein tur til bokbyen i Fjærland. Det er berre å velja seg ein fin dag og 40 min. med båten frå Vetlefjorden. Vart ikkje den store handelen i år men kom ikkje heilt tomhendt heim.Det viktigaste er turen. Det å gå å snusa og bla i gamle bøker og blader er kjekt. Sjølv er eg alltid på jakt etter gamle handarbeidsbøker og særleg strikkeoppskrifter.
Men skulle eg finna noko anna som ei god barnebok eller andre bøker er det ikkje å forakte.

AWARD

2009-08-02T17:53:00.003+02:00

Då har eg fått ein award frå Bestemorsblogg.,ein blogg det alltid er kjekt å sjå innom.

Ferietid.

2009-07-16T20:26:00.004+02:00

Tobias var lovd ein mormordag. Her er vi i akvariet ilag med onkel Olav. Is er alltid godt.

Etter på fekk Tobias sykkel og sjølvsagt hjelm hos mormor. Den måtte prøvast med ein gong.

Sina kjole.

2009-06-29T16:03:00.003+02:00

Å strikka til barnebarn trur eg må vera noko av det kjekkaste som finst. Særleg når plagga vert brukt og satt pris på. No er eg nett ferdig med ein kjole til Sinamoren. Den er strikka i mandarin petit.Då er det berre å pakka den i kofferten og ta med til Bergen i morgon saman med andre småting.

Gåve

2009-06-26T23:38:00.004+02:00

Dette låg i postkassen min igår. Nydeleg garn frå Malsen og Mor. Gjett om eg vart både overaska og glad. Veit ikkje kva eg skal strikka av det enno men det vert noko til meg sjøv.
Håper mange tar turen innom nettbutikken Malsen og Mor.Den er vel verdt eit besøk.

Sina jakke

2009-06-24T17:07:00.004+02:00

Ja då er restegarnsjakken til Sina ferdig, eller nesten ferdig. Det manglat berre knappar.
Den er strikka i retsegarn etter vm-gensrane eg strikka til jul. Garnet er Dale babyull. Trur nok jakken er litt stor men kanskje den passar til vinteren.

2009-06-18T19:22:00.003+02:00

Ja då er snart ei veke slutt. Hos oss er torsdagen nesten som ein fredag sidan eg har fri om fredagen og min kjære har fått avisa i trykken om torsdagen. Denne helga skal vi til Bergen i 70-årsdag og det ser vi fram til.

Award

2009-06-18T19:15:00.003+02:00

Eg har fått ein award, noko som var både gledeleg og uventa.

Rullegenser

2009-06-10T15:06:00.003+02:00

Då var eg ferdig med ein rullegenser til Tobias. Oppskrifta er frå Strikk til Nøstebarn og garnet er og frå Nøstebarn. Ein tynn og lett ullgenser.

Hingsteslepp

2009-06-10T14:59:00.007+02:00

Ja på laurdag var eg med på hingsteslepp i Målandsdalen. Der var ein hingst Rusken Solve og seks hopper. Ei av hoppene hadde med seg eit veke gammalt føll.Det var ei kjekk oppleving med fint ver,kaffi og kake.

Dokkeklede

2009-05-30T09:13:00.004+02:00

Når Malene får noko nytt til sommaren må jo dokka og få noko nytt.Det er alltid kjekt å strikka slike småplagg.

Ferdig

2009-05-24T19:47:00.005+02:00

Då var toppen til Malene ferdig. Håper den passar. Den er strikka i mandarin petit og oppskrifta er frå Sandnes sitt hefte 0904 barn